Çox kiçik tutuma sahib olan və olduqca sadə əməliyyatlar reallaşdıran BIOS-da ən kiçik bir problem olarsa, kompüteriniz işləməz. Kompüter ilə reallaşdırılan hər cür əməliyyatda, prosessorun əhəmiyyətli bir vəzifəsi vardır. İçərisində milyonlarla transistoru saxlayan və ana funksiyası özünə verilən əmrləri əməliyyata çevirmək prinsipi olan prosessor, həmin anda ən çox Ram ilə məlumat alverində olur. Bütün məlumatları toplamaq vəzifəsini üzərinə götürən sabit disk, bu məlumatı əvvəlcə Ramlara göndərər. Ram isə eyni şəkildə məlumatı prosessora göndərər. Bu əməliyyat davamlı olaraq təkrarlanır və məlumat, sabit disk, prosessor və Ram arasında gedib-gəlir. Ancaq kompüterlər üçün elə bir an vardır ki prosessor üçün lazım olan məlumat, doğrudan əldə edilə bilməz. Bu hadisə kompüterin ilk açıldığı anda qarşımıza çıxır. Prosessor sistemin açılışı anında sabit diskə çatmaq istəyir. Sabit diskə daxilolma reallaşa bilməsi üçün kompüterin sistemlə əlaqədar ana məlumatları əldə etməsi lazımlıdır. Bu məlumatlar isə sabit diskdə gizlidir. Yəni bu vəziyyətdə sistemin açılması üçün lazımlı olan məlumat sabit diskdə olmasına baxmayaraq, sistem komponentləri aktiv hala keçmədiyi üçün sabit diskə daxilolma mümkün deyil. Bu vəziyyəti açarı içində gizli olan bir kassaya bənzədə bilərik. Açar olmadığı üçün kassa açıla bilmir. Kassa açıla bilmədiyi üçün də açara çatmaq mümkün deyil. Bu problemi aradan qaldırmaq üçün sistemi təyin etməyə yarayan və olduqca az yer tutan məlumatlar başqa bir yerdə saxlanılamlıdır. Bu mühit BIOS-dur.